يوم من الماضى …. قصيدة عامية بقلم رحاب طلعت شلبي
يوم من الماضى …. قصيدة عامية بقلم رحاب طلعت شلبي
يوم من الماضى
سبع شقفات لعبناهم
وقطة العميّة ويّاهم
ولاد وبنات جمعناهم
قصاد الدار وانا معاهم
قضينا نهار فى لعب جميل
وييجى الليل سمر مواويل
زرعنا قطن تيله طويل
واخر الصيف حصدناهم
ابويا كان مقامه كبير
كلامه عالجميع بيصير
فى قلب العيلة ويّا الغير
وامى اوامره حفظاهم
قلوب الناس دهب الماس
ولقمتهم فى حلة نحاس
على الأبواب دفا وحراس
وقدرة حب جمعاهم
حنان وحنين رضا وانين
تدبّ الفأس تصحّى الطين
ترد الروح بقُرص عجين
بدمع العين خبزناهم
وآه يا وليدى يا خيّة
لو العداد دا بإيديه
لاوقّف خط عمر الحُول
واعود لأيام خسرناهم
