وكالعاده … عامية بقلم اشرف الشناوي شاعر عاميهالبرامون -المنصوره
وكالعاده … عامية بقلم اشرف الشناوي شاعر عاميه
البرامون -المنصوره
وكالعاده
وبشرب قهوتي ساده
ويجي الفجر متعمم
كانه يعني م الساده
وحلمي لسه متشعلق
وقلبي دق بزياده
وجوايا الأمل طارح
وضحكه جوا في ازازه
وكالعاده
ياخدني الليل ويرميني
في وسط كلاب وسعرانه
بتنهش لحمي وتكسر
في عضمي كانه اتايه
تعتق دمي وبتسكر
وتشرب الف كوبايه
وابص لروحي واتعجب
كأني شرخ في مرايه
وكالعاده
باحس بروحي متكتف
و دمعي بحر جوايا
واقول الصبح جاي بكره
م الاقي في كفه قشايه
واشوف شط الأمل وابكي
وباحلم القي مرسايا
وبازرع قلبي كام غنوه
ونفسي الاقي ضحكايه
وانام واصحى على جرحي
يزق في روحي برايا
وكالعاده الاقي الدنيا كدابه
بترمي الضحكه وتصيدنا
بحلم يكون مالوش عازه
تعلقنا وتسلخنا
ماهي في الظلم استاذه
……………
