هاتلي معاك ….شعر عامية بقلم عبير عبد المنعم
هاتلي معاك ….شعر عامية بقلم عبير عبد المنعم
هاتلي معاك كبشة أفراح
طرف لحلم اعرف أراضيه
هاتلي معاك
ضهر وشرح لصدري إن ضاق
حضن أمان يسمع واناديه
عقد حلاوة بلون الضحك
كتف لكتف يبات يداديه
هاتلي معاك
قلب أنا كله ..قلب إن دق يردله قلبي
قلب أنا فيه
هاتلي معاك ونسة أرواح
دوا لجراح.. نزفت عمر عشان تراضيه
جبلي الضي يزيح العتمة بكل مافيها
يسكن عيني أشوفك بيه
أنا مش عاوزة الدنيا الفانية ..
بس أنا عاوزة دراعك بس
أسند راسي إن مت عليه
