مواويل للبيع …عامية بقلم عبد السلام عبد النبي
مواويل للبيع …عامية بقلم عبد السلام عبد النبي
مواويل للبيع
وكلام وحاجات
مواويل للبيع
مش طالبه سكات
اصل احنا خلاص
ضيعنا المغني
ومافيش احساس
وزمانا سبقنا
علشان عايشين
مش عارفين ليه
وأمل نسيناه
راح منا يابيه
راح فين بيرم
راح احلي كلام
راح فين رامي
تاهت الانغام
راح فين الحب
ومواويله
وهيام ليله
تاه
وسط الزحمه الخوانه
تاه وسط كلام
ملهوش أوزان
وكمان ألحان
من غير عنوان
راح فين
زكريا الحجاوي
اصحي يا غاوي
وهات المواويل
رجعني معاك
لليالي زمان
وياعيني ياليل
مواويل للبيع
والبيع ببلاش
وغناوي زعيق
وحكاوي بلاش
احلام اولادي
في زمان ما بقاش
