مع ستي …. عامية بقلم معوض حلمي الفلاح الفصيح -منشأة بطاش تمي الأمديد دقهلية
مــع ســـــــتي ……عامية بقلمي معوض حلمي الفلاح الفصيح -منشأة بطاش تمي الأمديد دقهلية
لو عـدت ع الكـوبري الفـرعه
الســاقيه بتلبــس تـوب تاني
والبير بيناغــش في الترعــه
والمـــــروى بيتعـــبى أغــاني
النــــخل بيـنزل ويمــــــــــيل
يتمــشى كأنه ياناس عيــــل
مـــع ســــــتي بيقــعد ويأيل
تحـــــت الصّفـصاف الحيـاني
لو عـدت ع الكـوبري الفـرعه
السـاقـيه بتلبــس تـوب تاني
……………………
أنا كنت باحــب اسرح وياها
وافرد جنحاتي وراهـا واطير
كات زي الفرســه اما بتمـشي
وبتســـحر بغنـــــاها الطـــــير
وان شــافت زرعــــها بتــلالي
وتصـــبح عـــلى ابويا الغــالي
وان عطشـــت تطــــلع طوالي
تشرب م الترعه مش م الكولدير
كات زي الفرســه اما بتمـشي
وبتســـحر بغنـــــاها الطـــــير
………………………………………
