كان مننا … عامية بقلم جيهان النجار
كان مننا … عامية بقلم جيهان النجار
كان مننا
نوره منور حينا
تاه من طريقنا وضعفنا……
النيل…….
معاند عِنْدنا
نَشف دماغه وكبدنا
علشان قلوبنا
اتلوثت ضمايرنا
ماتت سوست
والخلق نسيت
أرضها
أخدت عوض عن عرضها
نكرت شراقي كفها
نكرت عرقها وبذرها
نسيت عروقها واصلها نسيت ابوها…. وامها
“يااا نيل….. أنا واللي احبه”…
قلوبنا نبع السلسبيل
ووحشنا ميل من بعد ميل وعليه نميل
في حضن ضل حضرتك قاعدين
في ريح شمس الأصيل
لسه رجوعك مستحيل ؟!
والحب واقف مطرحه والحقد ناوي يشرحه
وقابيل حكاية مجرمة…حسد هابيل
وحبيبته هي اللي انكوت سلبوها لما عشقته قطعو الديابة سكته سدوا طريقه
والسبيل….
سرقوا سعادة المحرومين
مصوا دماء الشقيانين
والقمح ما طرحش الجنين…
والقطن…. مادواش الجروح طب فين نروح والنيل عليل
كان الدوا وقميص هابيل كان الشطوط للعاشقين كان مرسى كل المغرمين….
كان العوض صبر السنين الطمي تبر والمروة عين
…..ياااا نيل……
مُرّ وتعالى من هنا قصة غرامنا وعشقنا مستنياك
ورزق دارنا وعشنا
من خير هواك
محلاها عيشة الفلاحين هي حياتنا وفرحنا
يا طيور وهجرت حضننا نسيت سمانا وحلمنا هيا بنا يلا ارجعي يا قلوب أصيلة ومؤمنة
مشبوكة….. روحنا
ف أمسنا…. مستنين.
