ســـور …. شعر عامية بقلم محمد المساعيدي
ســـور …. شعر عامية بقلم محمد المساعيدي
يا ساددة ودانك عشان ما اشتكيش
وقافلة عيونك عشان ما تشوفيش
يا قاتلانى فيكى وعايزانى اعيش
وشايفانى دايمًا فى عينك مدان
قولى لى أسافر فى أى اتجاه
وانا اللى ف هواكى خدونى اشتباه
باحبك ويكفيكى وصف الإله
بانك يا غالية سلام وأمان
يا سارقانى منى فى عز النهار
ودايما كلامك فى شكل اختصار
ولما فارقتك فرضتى حصار
وعايزانى أوصل لحد الجنان
ياضحكة بتحبس نزيف الدموع
بتمسح ملامح خطوط الرجوع
وانا اللى لحضنك تمللى باجوع
خسرتينى لكن كسبتى الرهان
