ست البنات … شعر حسن أبو عرب
ست البنات … شعر حسن أبو عرب
ست البنات الصابره
كيدا العدا دى القاهره
مريم وفطمه الطاهره
راح تحكى لينا اعظم حكايه
ولباب وفصل من الروايه
شهدت جحافل م التتار
وبلاد مغرقها الدمار
شافت بعينها للى صار
والناس بتطحنها الرحايا
شافت هولاكو والمغول
بيدنس الأرض البتول
والناس سكارى وف ذهول
وبيسألوا ايه الحكايه
بغداد بتنزف ليه جريحه
دم الكتب طلعت له ريحه
أحمر فراتها كالدبيحه
شايلا الهموم فوق الحوايه
من حمله قذره بتعادينا
والشرق مقهوره وحزينه
على حق ضاع من بين ايدينا
والقدس كات هدف الرمايه
تصرخ وتنده يا صلاح
صدت سيوفنا والرماح
عصفت بنا كل الرياح
وشربنا كاسات المنايا
صرخت بعلو الصوت سلامه!!
فى القدس دابحين الكرامه
انده تقوم فينا القيامه
ربك دا عالم بالخبايا
ياأيها الفجر الأمين
ياجند وطنى المخلصين
كاسرين لشوكة المعتدين
سطرتوا بإديكوا النهايه
يامصر قومى وانهضى ونادى
أنا لسه شاهده والزمن باقى
يشهد بإنى امكم وكلكوا ولادى
سبحانه ربى وربكم رب البرايا
خلانى رمز القيم وللعباد آيه
