رشاقة الشعب الياباني … طرفة بقلم زين ممدوح
رشاقة الشعب الياباني … طرفة بقلم زين ممدوح
العمده: فين مرزوق يا أولاد!، الأهالي مش ملاحق على خدماتهم !!.من ساعة المية والكهربة ما قطعت!
انت فين يا وله
مرزوق: بتنده ليه يا عمده! ،ما تسيبني أهدي الناس،دي جواها كبت السنين
٣أيام مشويين زي السمك،وبيدعوا عليك كده خبط لزق
العمده: أبرز المطالب ؟
مرزوق:عايزين يستحموا!
العمده: طب وأنا مالي يكنش أنا الدش
مرزوق : بيقولوا انت السبب، فين الصيانة الدورية
وفين الفنيين،وفين وفين…..،الناس على آخرها
وكله كوم وعويس كوم تاني يا عمده
العمده :مالوا سي زفت ده
مرزوق: عايز إقالة العمدة
العمده : هو فاكر نفسه في بلاد بره،ولا فاكر نفسه مواطن بحق وحقيق ،قولوا دي شكليات يا وله !
وبعدين تعالى أقولك على حاجه عمركم ما هتفهموها
مرزوق: قول يا عمدة المصايف!!
انت عارف سبب رشاقة الشعب الياباني جاية منين
مرزوق: منين!
العمده: هو فكرك بيشربوا ميه كده زينا
مرزوق: بيشربوا ازاي
العمدة: بالغطا يا وله،كل واحد كبيره في اليوم غطاين ٣
ودمتم، ودا سر الرشاقة
مرزوق: طب والنور
العمدة: هو أنا مش كفاية يا وله؟!!
مرزوق: طبعاً كفااااية
بس شوف لنا حل غير الصبر،علشان للصبر حدود
العمده : خلاص يا وله فات الميعاد!!
مرزوق: والحل ايه يا
العمدة افتح كده درج الخطب الرنانة،في آخر الدرج هتلاقي كلمة مؤامرة هاتها كده ولمعها
مرزوق: عايزين حل عملي
العمده اصرف يا وله لكل دار جركنين ميه والشاور جيل من عندي
وقول لهم الحمد لله احنا احسن من غيرنا
بس اتك شويتين على غيرنا دي !!
قول للجماعة تحت يحضروا لي الحمام !
مرزوق: هي المية مش قاطعه هنا
العمدة: هتعيش عبيط وهتموت عبيط
يالا بالسلامه ميعاد الشاور جه
ومتنساش تتك على احنا أحسن من غيرنا!!!
