البيوت الفخمة جدًا … عامية بقلم هناسعد
البيوت الفخمة جدًا … عامية بقلم هناسعد
البيوت الفخمة جدااا
والبراند اللى أنت لابسو
والأماني إللى حلمت بيها
والشعور اللى أنت حاسو
كله فالصو
= كله فالصو!!!
أيوه فالصو
……………………….
اللى حنوا
واللى غنوا
اللى فِرحوا
واللى جرحوا
واللى ياما زمان عطيتو
من أمانك
هو باعك واشتريتو
مهما كان عطفك عليهم
برضو قسيو
= برضو قسيو ؟؟؟!!!
أيوه قسيوا
……………………….
مهما كان شلال دموعك
ولا دَّك الخوف ضلوعك
ولا شبعك ولا جوعك
كله فالصو
……………………….
الحقيقة الواضحة جداا
إننا فى يوم هنمشى
الحياة مليانة زينة
لكن الممات كتاب
اتكتب من يوم ما جينا
واتقفل ورانا باب
أوعوا تنسوا
……………………….
إما هتكون لك سعادة
أو يكون ندمك زيادة
وأنت متكتف بعملك
مش هتقدر تفك قيدك
لسه أيامك فى أيدك
كل ما الشيطان يوّزك
باستعاذة أنت حابسو
