اصحوا يا مصريين … كلمات عامية بقلم السعيد العوضي ( بمناسبة عيد تحرير سيناء )
اصحوا يا مصريين … كلمات عامية بقلم السعيد العوضي ( بمناسبة عيد تحرير سيناء )
اصحوا يا مصريين
بصوا شمال ويمين
أدى خطر من غرب
وأدى خطر من شرق
في سينا طمعانين
والحجة قال تهجير !!!
سينا دي رمز العزة
سالت فيها دمانا
نفديها بأروحنا
نصونها ليوم الدين
ومين يفكر بسي
أو يجرئ مين
يمس تراب بلادي
أرض المصرين
فوقوا يا طمعانين
فوقوا وراجعوا تاريخكوا
أوعوا يخنكوا غروركوا
أو تنسوا اللي جرالكوا
في تلاتة وسبعين
لما القائد قال :
عدوا يا مصريين
عدوا وهاتوا سينا
هاتوا سينا لينا
من أيد اللي خدوها
مهما يكونوا مين
يوم ستة إكتوبر
يومها الساعة اتنين
كبرنا وعبرنا
وكنا كمان صايمين
وسبقنا على سينا
طيرنا يغطينا
ويدمر أعادينا
زي طير أبابيل
ومدافع تهجم وتدافع
والمولى كان هو الدافع
كان فوقنا حامي ومعين
وهزمنا الجيش الأسطورة
وبإدنا غيرنا الصورة
وايجولنا وهم ركعيين
قلنا سلمنا بشرط
تفضل سينا لينا
كاملة ليوم الدين
نزرعها ونبنيها
وولادنا تحميها
واللي يقرب ليها
نقرا عليه الفاتحة
وانتوا تقولوا آمين
يحفظك يا بلادي
…………..
ينصرك يا بلادي
…………..
يسترك يا بلادي
…………..
يا شرف المصريين
———:::::——–
كل عام ومصرنا بخير
