في شهداء قرية (كفر السنابسة ) – محافظة المنوفية : “الفجر الليلادي مجاش ” شعر عامية بقلم عبير عبد المنعم
في شهداء قرية (كفر السنابسة ) – محافظة المنوفية : “الفجر الليلادي مجاش ” شعر عامية بقلم عبير عبد المنعم
الفجر الليلادي مجاش
وكش الصبح في امبارح
وصد الليل نجوم ضيه
وبكاها وقام سارح
بقت كل الحواري كلاب
ومطلوقه على عضامي
عرجنا والعرج باين
ياشعري الغدر دا فاضح
ما بين خلخالي والحنه
نغم داير وعود طارح
(تجلى الضي) في الحضرة
فبين مجروح وبين جارح
نهش خوفي نزيف الدم
ف انا المدبوح وانا الدابح
