النور الطالع … شعر عامية بقلم عبير عبد المنعم

أثبت أن
النور الطالع
عارف كل شقوق الارض
وان الزاوية القايمه دي لحد
لحلم ونام
تحت تراب الدنيا الفانية
طول وعرض..
أثبت ان..
الليل المادد عتمة قلبه
عارف كل نصوص الفرض..
حافظ كل لصوص السرد
عاند فينا ند بند
واهو بيعد
كل ساعات
القهر
الذل
الطحن
الشد
لبعد نهاره وفوق الحد..
أثبت أن
أيادي الظلم دي واعيه وفاهمه
وعارفه حدودها وناسيه العالم
كل الدنيا فردا فرد
والبرهان المطلوب منك
عاوزك واعي
صاحي وحاسب
كل خطاوي دموع الفكرة
نثر وسرد ..
وشعر بيحكي
كل رواية لخلق بتهوى
النور لو تمنه
عمر بحاله
أيه راح يسوى انك تهوى خلق جبانه
كل همومها دنيا دنيه
ناسيه اوجاعك شوف مين باعك
شايف ذلك راضي بقهرك عامل ناسي
أيه راح يسوى وانت الكادح مت غريب
أو مت قريب شبعان كد
روحك راحت سابت طعنة خوف ع الأد
بكرة المال راح يفني ياصاحبي برمية زهر
مين هيسد مين هيرد مين راح
يحمي بطنك ياللي فقدت الضهر

ودا مش شعر دي أوجاع الخلق ووجعي

اقرأ باقي العدد ( ٣٠ )