لحظة شروق! … قصيدة عامية للشاعر كمال محمود محمد علي – مصر
لحظة شروق! … قصيدة عامية للشاعر كمال محمود محمد علي – مصر
طيف بريء
لما يشجيك الحنين
لما تنسى كل شيء معجون أبالسة
لما تسبح في الهوا زي الملاك
وأما ترمح في علاك
وأما تنسى كل ضيق
لما تملى صدر قلة تبل ريق
لما تمسح ذل دمعة وذل آاااه
لما تسرح في العروق
لاجل تحضن أي رعشة وأي همسة بكل شوق
لما تعرف إن إنسانك على قيد الحياه
لما ينفد جلد روحك م الغريق
بعده هتلاقي السفينة
توبها أخضر
زي توبك
فاتحة بوابة النجاة
تخطفك من جمر شوبك
من عيوبك
تغرفك من تلج خوفك
من خريفك
وتداريك
