الوعــد فــين ؟ …. عامية بقلم الشاعر / أشرف البنا
الوعــد فــين ؟ …. عامية بقلم الشاعر / أشرف البنا
حرمــتي لـيه ورد الجنـايـن ينتـشي
الصــيف مــشي
وعرايــس الخــوف م الشـتـا
رقصــت أمــان واتجــبرت
هــي الأمانــي اتبخرت ؟
ولا الوعــود
صادفــت آوان المشمشــي
أقول لـك ايــه ؟
أنــا اتشــوقــت
وباتســند بــ ســور الوقــت
ومتكلفــت بحلــم جمــيل
كــ طـفل يتيــم
بيعشــق بنــت
وبالوعــد القديــم عايــش
لاقلــت امبــارح اتبــدل
ولا بكــرة أمــل طايــش
ولا اتـلونــت
وتمـر شمـس وكـام قــمر
والشعــر يتونــس بــ نــثر
وتخططـه ريشـة هــوا متفرفشــة
وبيترسـم علـى شـط بحــر
تعـدى موجــة بــدون خشــا
متغصـبة تمـحـي الأثــر
يتبقــى سطــر
( الوعــد فــين ) ؟
باتخيـلك آخــر ميعــاد
لما ارتأيــت
بنــت الليـالـي زغـرطـت
وبـواقي أوراق الخريـف اتوردت
وخصلـة من شعــرك نغــم
عملـت هـروب واتمــردت
وجمعـت الصيـف والشـتا
ويـا الخـريـف
في إطـار بـديــع
ربطـوا الأمانـي الملفـتـة
صحــبة ربيــع
وتفـر دمعــة وتنفلــت
يــا للأســف
تبــرق مـع ضـي القــمر
تطـرح حنيــن
لولــي لــ صــدف
وتنتظـر موعـد حبيــب
خــوف م الفــرح
احساس عجيــب
باتخيـلـك
لـمـا توفـي موعــدك
تكســي عبيــر الـورد عـود
غنــى وعــزف
فرحــان بيسبــق سكــتك
بافكــرك
( الوعــد فــين ) ؟
ولا هانستــنى الصــدف ؟
