البت سمارة ….عامية بقلم معوض حلـمي الفـلاح – منشأة بطاش .. تمي الأمديد – دقهلية
البت سمارة ….عامية بقلم معوض حلـمي الفـلاح – منشأة بطاش .. تمي الأمديد – دقهلية
كـــــــــــــــــــــــــدا وكـــــــــــــــــــــــــدا
خماســـــــيات الفـــــــــلاح الفصـــــــيح
قالي هاقـولك سـر يسـرك لو مشـتاق
قلت ياخـلي سرك سـري قول ماتشاء
إنت عارفني وفاهـم طبعا كل حالاتي
قالي حبيبتك بنت لذينه وماشيه تهاتي
دايره يوماتي وجايبه ف سيرتك للعشاق
قلت الداء السـاكن فينا لسه ماطابش
لسه ماحنش ع المجـاريح ومطبطبش
وان الجارح عمره ماحس الجرح الغاير
وان جريح الـروح بينوح ويلف دواير
حلمي الحــاير لسـاه داير ومبطـــلش
وانت ياخـلي فضفض قوللي ما الأنباء
إوعى تخبي سرك سري قول ماتشاء
قاللي ضفاير بنت الحـاره دول سـناره
وان عينيها البت سماره عمـلت غاره
ودكت قلبي بألفين طلقه من الأشواق
…………………………………………….
