بس مين …. عامية بقلم حسن أبو عرب
بس مين …. عامية بقلم حسن أبو عرب
كل شئ فى الكون جميل
بس مين ياخلق يفهم
زي مافى الدنيا فلصُّوا
تلقى ناس ملهاش مثيل
دى الخيول أنواعها ياما
بس أفضلها الأصيل
مهما تلقى وجوه وكالحه
تلقى ناس كالسلسبيل
فى اللى حُر مهما يجرا
واللى راضى يكون ذليل
بس مين ياخلق يفهم
ان مين هو النبيل
اللى بيعطى بدون مقابل
اللى دايما يشبهك
فى الخير يانيل
اللى خيرُه بخطوَه سابقُه
اللى عمره ماكان بخيل
بسِ إمته الناس هتفهم
إن مهما الفجر طَوِّل
والسواد خَيِّم ياليل
ربنا بس اللى وحدُه
يمحي كلمة مستحيل
انتوا ليه ظالمين لروحكم
وانتوا قدامكوا الدليل
تمتمُوا داوُوا لجروحكم
لسه لخيولكُم صهيل
