ياموال الجـدع …عامية بقلم معوض حلمي “الفلاح الفصيح” -منشأة بطاش – تمي الأمديد -دقهلية
ياموال الجـدع …عامية بقلم معوض حلمي “الفلاح الفصيح” -منشأة بطاش – تمي الأمديد -دقهلية
كل شيئ في حياتنا أصبح مستعار
الصحبه والجيره والشوارع بياعين
كرهنا جنة ربنا وساعيين لنار
والدار بتنده ع الوفا والطيبين
ياعين ياليل ياموال الجدع
ياليل ياعين ياقلبي اللي انخدع
ياعمر تايه ع السكك مل الوجع
كل البشر عاشوا الفرح وانا ليه حزين
الليل بيفرد طرحـته ع المتعبين
والبيوت قفلت في وش الحب باب
الود سارح في الخلا مليان آنين
والصبر مل الصبر وصنوف العذاب
الورد ليه بيهون على ولاد الحلال
والفجر خايف م العمى والإنحلال
البنت دفنت حلمها ف عيون جمال
وعيال بتوهب عمرها للإغتراب
سامع ياحلمي صرختك من ع المدار
غموس ياهل الله مش لاقي الغموس
كان لسه نبته وصممت تطرح خضار
والدنيا دايره ومبهمه وسانه التروس
وتدوس مشاعر لفها توب الحداد
وتمد ناب الضلمه ف عيون الولاد
تهرب معاني الحب وسنين الوداد
شوفتوش زمان الذل بيهين النفوس
