هنا مصر … عامية بقلم مسعد البحراوي
هنا مصر … عامية بقلم مسعد البحراوي
امشي ف شوارع مصر هتشوف الرضا
مفروش في كل مكان
فيها شعب آمن بالقضا
واختار يكون إنسان
مليان جمال وحنان
هنا مصر ياانسان
هنا الوجد
هنا الوجدان
مصر اللي ربت مبدعين
وعباقره و ف غاية الكرم
مصر الحسن مصر الحسين
مصر النعم مصر الهرم
يا مصر عالم
عالم
عالم
عالم وعالم محترم
ياتاريخ أساسك كان ديوان
يشعر في ليل القاهره
ومازلت وهتشعر كمان
لاجل الاميره الساحره
وطن السلام وطن الأمان
امشي ف شوارع مصر هتشوف الرضا
مفروش في كل مكان
هتشوف وشوش متبسمه
رافعين جبينهم للسما
والحزن يكرههم عمى
مقدرش مره يهزهم
انزل شوارع مصر هتشوف الزمن
مكتوب بخط اللي بناها زمان
جعلت لكل الناس وطن
وأمان مابعده أمان
هنا مصر يا إنسان
هنا الوجد هنا الوجدان
