من خشم الباب…عامية بقلم شاذلي محمد عبدالرحمن حسين .

شادوليات – خارج عن المألوف
من ديوان شعر مضارع

عمك زمقان . خالك يوسف . خيك مرزوق
جدك راضي . وابو خالته عماد . ووليده فؤاد
واللمة الحلوة تجمعهم . من خشم الباب
وقت السهراية ما يتعوض . غالي وغلاب
والجوزة تكركر ومزاجهم . صافي وعناب
والقاعدة تطول والفرشة . على ادفى تراب
خيك مرزوق نادى وقلي . الشاي ليه غاب
ماعرفتش ارد ولا اتكلم . او اقول اسباب
سيبت الحكيوة في اولها . والشاي اهو طاب
طقرت عليهم من جوه . قالوا حاضر طاب
عمك زمقان . هت يا يوسف . ولفاه جلاب
والقمع بسرعه ف كام قطمة . في الخشم وداب
جدك راضي خد نفسينه . وكأنه شباب
قوال والكلمه ف دواوينه . ولا الف كتاب
وبنسمع دايما مواويله . ابو زيد ودياب
والقلب بيغسل احزانه . والصوت جذاب
وعماد بيجلع في وليده . وفؤاد متساب
وبيحجل وبيلعب اولى . غبرها هباب
خيك مرزوق قاله كفاية . خليتها ضباب
وتعالى يا ابوى في السهراية هدي الاعصاب
نلعب في السيجة نقول نكتة . وللعب اداب
ويا سيدي استحمل لو تقدر . في ثواب وعقاب
ونعلي الصوت بالضحكاية . اهل واصحاب
نستنى تغيب الشمساية . وسحر الاعتاب
وانا قايمة اشوف اللي ورايا . وقفلت الباب

اقرأ باقي العدد ١٦