قوم وابتسم … شعر عامية بقلم اشرف الشناوي
قوم وابتسم … شعر عامية بقلم اشرف الشناوي – شاعر عاميه البرامون المنصوره
قوم وابتسم
وسط الوجع
علشان تعيش
قوم خلي دايما ضحكتك
بجناح وريش
قوم يالا طير جوا الفضا
واحلم وعيش
الدنيا دي من غير امل
أو ضحكه حلوه
ماتساويش
الصبح جي بنور وضي
ان شاء الله حتى
الليل شاويش
كمل غنا قوم وابتسم
يمكن تعيش
واوعي البكا ياخدك بعيد
تنسي الغنا وترجع مافيش
طول مانت قادر تبتسم
صدقني راح تقدر تعيش
……………..
