قلوب عيرة … عامية بقلم الشاعر / محمود السيد
قلوب عيرة … عامية بقلم الشاعر / محمود السيد
كل لكلام كداب
كل النفوس جاحدة
كل اللي وعدك ساب
بتعاني مـ الوحدة
رغم ان طول الوقت
كنت السند وبجد
كل اللي يعشم فيك
كات ليه إيديك تتمد
قدمت ياما السبت
مالقيتش مرة الحد
ما زعلت يوم من حد
ولا شافوا تكشيرة
قلبك بيشبه وطن
باسبور وتأشيرة
يا ما كنت ليهم سكن
والصحبة والجيرة
سايق عليك الوجع
قوم فضها سيرة
وقول لي إيه يجبرك
وتعيش على الحيرة
قلبك ده زي الدهب
كان كنز بس اتنهب
لكن انت حظك كده
تعشق قلوب عيرة .
