قالوا علينا …اكتوبرية عامية بقلم عبد السلام عبد النبي
قالوا علينا …اكتوبرية عامية بقلم عبد السلام عبد النبي
قالوا علينا كتير
وقالوا عليكي يامصر
قالو علينا أننا
مش ممكن نخوض في جبال
وقالوا المانع المغلوطة
محال ينطال
وادي سينا وبتنادي
واه يارجال
تعالوا خلصوا روحي
ده بعدي محال
محال اقدر اعيش
ينهش في لحمي الدود
محال تسيبوني اتحير
ده شئ له حدود
ولا الايام كمان تقدر
تقيم في سدود
وانا طبعا في أحضانك
ومافي قيود
انا المجروح ودمي يسيل
وباغسل جرحي واضمد
بكين النيل
انا جايلك يابنت النيل
وحاسبق جيل
الف وادور في وسط بحور
ومش راح اميل
دي كلمه من مقاتل حر
مصري اصيل
ح ارجع ضحكتك تاني
اشهد
ده عهد يانيل
يا ابني هم قوم كبر
وقوم سمي باسم الله
رايح تلقي شباب زيك
ونفس الغنوه غنوها
باسم الله
وقوم واعتبر وهات نصرك
بامر الله
ولو حتموت
مخلد ملحمه عمرك
بعون الله
وادي المعبر كمان جاهز وبينادي
انا تحت القدم صامد فدا بلادي
يفوت الجندي والمدفع
علي جسمي
وانا ادفع ياناس عمري
فدا امي
ادي الجندي عبر تاني
وجاب النصر
وسأل روحه علي كفه
وفاق العصر
دفع دمه دفع جسمه
دفع روحه فدا اسمه
ومتسلح كمان بالصبر
وادي سينا تعود لينا وبتغني
تعيشي يا مصر
تعيشي والعلم مرفوع
علي ارضك بطول العمر
تعيشي والبطل راسم
جمال صورتك بلون الزهر
دي صوره حلوه منقوشه
بدم شهيد فدا ارضك
تعيشي والبطل دائما
بسم ج صورته في صورتك
وح نقولها في كل مكان
ترددها في كل مكان
تعيشي يا بلدي حره يا مصر
