عجيبة الدنيا ….عامية بقلم…عبير عبدالمنعم
عجيبة الدنيا ….عامية بقلم…عبير عبدالمنعم
بلوزة نبيتي من فضلك
على طرحة من الصالحين
متستغربش م الدخلة
ولا الخارجة
ولا تكونشي من اللايمين
بنات أفكاري فاهمني ،،
وكمان عارفين
أنا درويشه معجونة بحبة عشق
بصلي الفرض واتوضى …
عشان اسمع أنين الليل
عشان اسرح في نجم جميل
واحس ببرد ليل ساكت بلا حراس
بلا آهة بتخلع قلب قلب الكبد
وتتمعشق في توب تايه
تقوم تنفض في أسلافه
وبتبدل في أوصافه
وليه جايين ؟
عشان آهة تودينا ،،
وآه تانية …
بتتحكم في لون الفرح
عجيبة الدنيا واعجب منها ..
أسود راس
بلا إحساس ،،
بلا روعة تهز الروح
ولا دمعة تهز القلب
ياحيلة الشعر إيه حيلتك ،،
وإيه السعر ؟!
خلاص دلوقتي بنصفّي
عشان شمس النهار بردت
ودي بلوزة بنص السعر
ودي طرحة بقافية لام من المحاسيب
بلوزة نبيتي يااخواننا
عشان الدم صار مية ب عم وخال
