بنكتب لمين ….عامية بقلم معوض حلمي الفلاح الفصيح – منشأة بطاش تمي الأمديد دقهلية
بنكتب لمين ….عامية بقلم معوض حلمي الفلاح الفصيح – منشأة بطاش تمي الأمديد دقهلية
بنكتـب لمــــــين ..؟
بنكتـب لروحـــنا
ونفتـح جروحـنا
ونفتــــح قضـايا
الرغيـف والجنيه
عشان سـن قلـمي
هايفضــــل نزيـه
هاكتـــــب يابـيه
ياعامـــــل نبــيه
وعامــل مطنــش
وعلمـك ماطلــش
ولانفـــــــع فيــه
ولا جـابلي لقـمه
وطبطـب وداوى
ولاغطـى لحـمي
وصـــد ابن أوى
ولاســاب أمـاني
تخـضر زمــــاني
ف هاكتب أغـاني
تـداوي الالــــــم
وهـابـري القلـــم
واطمـن ف ناسي
وهاسـرح بفاسي
دا كلمه بضـياها
ممــكن تواســـي
الجروح الغويطه
وتبقى لنا حكمه
أروبه وحـــويطه
وهاعمـل حـروفي
مـواني ومـراسي
تحــنن ظـــروفي
وتطــرد ف خوفي
مادمـنا ف متاهه
وتوهنا ف مـداها
وغــاب الدليـــــل
هاكتــب ياعـــين
هاكتـــب ياليــــل
ياحضــن الغــلابه
واكســر بشـــعري
ســــــنان الـديابه
وناب الدخــــــيل
اللي داخـل يطبل
عشان يبقى شاعر
يبــــيع المبـــادئ
ويسـرق مشــاعر
ويوصـــل لفــوق
هاكتـــــب بـذوق
عشان يوم تروق
الحـياه تصطفـينا
تطــفي الشـراقي
اللي شقق عينينا
تضـــــلل عليــــنا
وننــده عليـــــــها
خـلاص اســتوينا
اســــتوينا يابــيه
ياأعـمى البصـيره
ياعامــل نبــــــيه
بتســــألنـا ليـــــه
بنكـتب لمـــــــين ..؟
جـوابنا ياســيدي
بنكـتب لروحـــنا
ونفتح جـروحــنا
ونفتــــح قضــايا
الرغيـف والجنيه
عشان سن قلـمي
هايفضــــل نـزيـه
هاكتــــــب يابـيه
هاكتــــــب يابـيه
………………………………………
