احلم وعيشها كدا ….شعر عامية بقلم اشرف الشناوي – شاعر عاميه البرامون – المنصورة
احلم وعيشها كدا ….شعر عامية بقلم اشرف الشناوي – شاعر عاميه البرامون – المنصورة
كمل طريقك غنا
وافرد جناحك طير
بكره يروح الوجع
بس انت عيش بضمير
الضحك زي البكا
ليه في القدر مواعيد
بس انت عيش بالرضا
تلقى اللي جي سعيد
والصبح مهما بعد
راح يجي بالانوار
والليل ضلامه ان طول
آخره هتلقي نهار
الدنيا من غير امل
زي اللي فارقه الروح
واحلم وعيشها كدا
لو حتى حلاوة روح
وارمي الجراح وابتسم
وامسك حبال النور
كمل طريقك غنا
هتعدي مليون سور
وافرد جناحك كدا
قوم لف في الملكوت
من غير شوية غنا
كل اللي فينا يموت
…………….
