أكتوباريات كفر أبو السعد …. بقلم زين ممدوح
أكتوباريات كفر أبو السعد …. بقلم زين ممدوح
العمدة: واد يا مرزوق
مرزوق: نعمين يابا العمدة
العمدة: جهزت كل الرجالة،مش عايز ولا غفير في كفر أبو السعد إلا ولابس لبسه على سنجة عشرة
مرزوق: كله تمام يا عمده ،بس اشمعنى يا عمده المره دي ناوي تعمل احتفال لابطال اكتوبر في الكفر حفل مختلف عن كل مره ؟
العمدة: لانه يا وله في أجيال جديدة اتولدت،لازم يعرفوا انه عايش معاه أبطال ضحوا علشانهم بالغالي والنفيس ،ومنهم اللي أستشهد في سبيل الله ووطنه
مرزوق: والأطفال، كل طفل واقف في ايده ورد زي ما وصيت
العمدة :عايز الممر الشرفي يكون مظبوط، وبلاش تشغلوا بنادي ع الصعيدي، محدش بيرد،شغل لنا موسيقى الهجان وبس
حاكم عمار الشريعي الله يرحمه أبدع
مرزوق :أوامر يا عمدتنا ،والتكريم زي كل مره علم مصر برضه؟
العمدة: العلم وتحية العلم يا وله يهزو كيان كل وطني ويلمس مشاعره
مشاعر الانتماء دي يا مرزوق ما يقدرهاش غير كل محب ومخلص
مرزوق: تحيا مصر وعاش جيش بلادي
