أبا العمدة … طرفة قصصية بقلم زين ممدوح
أبا العمدة … طرفة قصصية بقلم زين ممدوح
العمدة: واد يا مرزوق
مرزوق:نعمين يابا العمدة
العمدة:إيه يا وله أخبار النجُوع والكُفور اللي حوالينا
بقالك كتير كده،لا فيه تقصي حقائق،ولا حموم انسان كأنك نايم في الدره.
مرزوق:اسكت يا عمده ،دا الكَفر اللي جنبنا آخر مليطة
العمدة: مليطة ازاي يا وله
مرزوق: كل شوية حفلات ورقص وملط،بيقوله موسم….
العمدة:موسم الحصاد؟
مرزوق: حصاد إيه ،دا موسم الخيبة القوية
العمدة:طب وبقية الكفور؟
مرزوق: ما انا جايلك في الكلام،فيه كفر بقى دا لوحده حكاية
العمده:يالا اشجيني
مرزوق:الناس أول ما تقوم من النوم بتروح فين يا عمده
العمدة:على الغيط طبعا
مرزوق:بس الكفر ده بيقوموا م النوم ،بيطلعوا ع الجيم
وبعد كده على السونا،وجاكوزي……
العمده:مين عمدتهم ياوله؟
دا مدلعهم ع الآخر
مرزوق:أمال يا عمده،الناس كانت قلقانه منه،بس ظبطهم آخر تظبيط
العمده:وكفر أبو السعد ياوله مش متظبط زيهم،قول بلاش لماضه
مرزوق:دا متظبط وياما لسه هيظبط!
والكفر كله بيدعي لك دُعا،وبيقولوا لك،روح يا شيخ الله…….
يعمر بيتك!!
