وقف الكلام …. عامية بقلم عبد السلام عبد النبي
وقف الكلام …. عامية بقلم عبد السلام عبد النبي
وقف الكلام
في قلب حلقي وانخنق
حاولت اكتب
نص كلمه ربع كلمه
مش قادر اكتب اي حرف
علي الورق
الكل بيحاول يقول
لكنه خايف
احسن يكون صوت الكلام
في قلب ناره بيتحرق
اللي بيحاول يصحي
للضمير ويفهمه
والضمير نايم وغرقان في العسل
واللي قال للفصحي قومي اتكلمي
حزينه ليه وانت الأمان
فيكي الامل
مال الحروف اتفرفطت
من قلب عنقود يا حلوه
مال المعاني اتلخبطت
مش عارف اكتب اي غنوه
وقف الكلام
