بالحُب … شعر عامية بقلم حسن أبو عرب
بالحُب … شعر عامية بقلم حسن أبو عرب
كان للحب زمان
فى قلوب
قبل ماتجحد
كات بتصلى
وكات بتزكى
وكات بتدوب
كانت قمه فى الاحساس
كات تتوضا بالإخلاص
كات شفافه وزى الماس خاليه من أيتُهَا عيُوب
كان الشوق والذوق عنوانها فيفيض نهر دفاها حنانها
كات عمرانه بحب سكنها
ولا تعرفشى تخون محبوب
حاجه تحير!! ليه دلوقتى الحال اتغير ؟!
دبحوا حمامها
وغطى الصدا
معظم لمعانها
ضاع الحب وقل ايمانها اسودت من كُتر ذنوب
وانا انسان
مخلوق من طين
متواضع فى الدنيا أمين
الكبر يخليني مهين
حاسب نفسك يامسكين
دى قلوبنا محتاجه تتوب والروح الهايمَه ف رحابِك
عشقاكى وواقفَه على بابِك ياناعسه والصبر مدادِك
بالحُب هيرجع أيوب
