مين بيغني …عامية بقلم اشرف الشناوي -شاعر عاميه -البرامون -المنصوره
مين بيغني …عامية بقلم اشرف الشناوي -شاعر عاميه -البرامون -المنصوره
مين بيغني
قلبي دا والا الوجع
جوايا خاني
مين بيغني
والبكا مالي الشاشات
دول ضفاير بنت كانت
حلمها يادوب ساعات
راسمه فوق ايدها العلم
والوطن في عينيها مات
مين بيغني
مين بيعزف عالنايات
والحمام مش لاقي غيه
من رصاص العربجيه
واللي تاجروا
بالقضيه
واللي باعوا الأرض خضره
كلهم صبحوا الذوات
مين بيغني في السكات
والبطوله حلم نايم
في الحانات
والخيام مليانه نور
والملاجئ والجحور
باعوا حلم بالف سور
باعوا دجله بنكله فالصوا
باعوا عشتار بالقصور
باعوا غزه وحطوا رذه عالبيبان
مين بيغني ولسه قاعد في الميدان
والديابه في الشوارع
نازله تنصب في الصيوان
مين بيغني
والا سامع صوت ادان
مين يأمن أو مأمن للشيطان
اقرأ باقي العدد ١٢
