حبة غنا……شعر اشرف الشناوي شاعر عاميه البرامون – المنصوره
حبة غنا……شعر اشرف الشناوي شاعر عاميه البرامون – المنصوره
قطر السنين
ساب الوجع ويا الحنين
ياحلم ضاع زي اللي
ضاع م الطيبين
حبة صور
فوق الحيطان متعلقين
حتي الاماني اتبعترت
حتى الأمل طالع حزين
ياقطر داير عالسكك
بتلمنا من عالدكك
وتحطنا وسط الطحين
ياقطر واخد مننا
أجمل مافينا وحلمنا
وتهزنا وتشد روحنا كأننا
فيك محبوسين
ياقطر سيبنا من سكات
يمكن نلاقي الذكريات
جواها حبة امنيات
أو نلقى حد من اللي مات
ياقطر سيبنا من سكات
فوق م الرصيف
دبل الورق فوق م الشجر
خطفه الخريف
يمكن نلاقي في عمرنا
حبة غنا
أو حلم حتي يكون نضيف
…………….
