هبو الطحين ….شعر عامية بقلم اشرف الشناوي -شاعر عاميه البرامون -المنصوره
هبو الطحين ….شعر عامية بقلم اشرف الشناوي -شاعر عاميه البرامون -المنصورة
خفي حبه
عالغلابه المجروحين
حبه حبه
دا اللي باقي حلم
اخضر جوا بوابة
الجحيم
خفي حبه م القساوه
لجل مايشموا النسيم
أو يغنوا أو يلاقوا
حتى روحهم
فيها شبر يكون سليم
خفي حبه وارمي حبه
عاللي نايمين
عالبسيم
اللي عاشوا العمر كله
واحنا لسه ميتين
سيبي مره الفجر يدن
فوق كفوف الطيبين
والا مره الصبح يطلع
بالغناوي الفرحانين
حبه حبه دا البكا
داب م الحنين
حسي حبه بالشقا
أو بالعيون السهرانين
خفي حبه دا اللي باقي منهم
هبو الطحين
واضحكي لهم مره يمكن
ينسوا حبه هما مين
والا يلقوا حلم تايه
من سنين
…………………..
