قوم وابتسم ….شعر عامي بقلم أشرف الشناوي شاعر عاميه البرامون – المنصورة
قوم وابتسم ….شعر عامي بقلم أشرف الشناوي شاعر عاميه البرامون – المنصورة
هز قلبك غربله
من دي الجراح
وارسم الأحلام وداري
دا اللي جي جميل
واحسن م اللي راح
وابتسم واضحك وعيش
ياما غيرك عاش
وكمل من مفيش
الحياه من غير اماني
تبقي ضلمه ومتساويش
وافتح الشباك لشمسك
للدفا يملا المكان
هز قلبك غربله يرجع غيطان
طير وغني بالغنا تحس بامان
واوعي تفضل في الوجع
لو يوم كمان
بكره جي بالف حلم وصوت كمان
بكره تلقى الصبح طالع مهما كان
هز قلبك غربله هد الحيطان
وابتسم واضحك وغني
غصب عن عين الزمان
بالأمل هتعدي جرحك والوجع
لو كان بيبان
قوم هز قلبك غربله
هات الابتسام
كمل غناك لو فيك براح
مليان الااام
وافرد جناحك في الهوا
زي الحمام
هاتحس ايوا بغنوتك
من غير كلام
