بقيت احتار …. عامية بقلم زينب سليم
بقيت احتار …. عامية بقلم زينب سليم
كنت زمان …… دايماً بااحتار
كاني ف بير …….. ماله قرار
من أحوال البني الأدميين .!!
عين في الجنة وعين ف النار
اللي تنافقه …… وتمدح عيبه
دوغري ف ثانية تبقى حبيبه
ويقرب منك ………. بزيادة
زي العادة …… سوا بتخيبوا
بس تصارحه ف يوم بحقيقة
دوغري راح تخسره ف دقيقة
في بلاك ليست اوام يرميك
واما يشوفك ،،، تبقى حريقة
يسمع سيرتك …… تلقاه ولع
ويبحلق فيك ……. وبيتطلع
يقنع نفسه …… انك غلطان
واد مايص …. عمال تتدلع
من خيبته بيقول دا اتجنن
جاي يشحت وبقوله يحنن
وبيتحزم قال وبيرقص ..!!!
جدو بيعمل ،، نوغة صغنن
واما بشوف خيبته وحركاته
بستغرب …. على كل حالاته
واتأكد …… وابصم بالعشرة
اللي اختشوا انتحروا وماتوا
