زي الحمام قلبي العاشق….شعر عامية بقلم أشرف الشناوي شاعر عاميه البرامون – المنصورة

زي الحمام قلبي العاشق….شعر عامية بقلم أشرف الشناوي شاعر عاميه البرامون – المنصورة

انا لسه واقف على حيلي
والكل بيكسر فيا
لا في يوم حنيت ضهري لمخلوق
ولا حد ليه فضل عليا
بضحك واغني وفي الملكوت
وارمي الوجع لو مالي بيوت
واحلم واعيش كل الأحلام
وسط الجراح بازرع في التوت
الحلو زي المر بيفوت
وافرد جناحي يوماتي واطير
زي الحمام زي العصافير
واغزل امل وارسم تصاوير
وبكره لو عدي بافراح
هافرش وازوق كل براح
والصبح لو فايت بالنور
هارول قلبي ان كان مكسور
ماخفش ليل ولا أخاف من سور
واكمل المشوار وهاعيش
من غير جناح راح اطير أو ريش
واغزل امل وافت العيش
والهم لو جايلي بمية جيش
راح اغلبه واعمل م الخيش
قصور ودور كلها بنور
عشان عيون قلبي العصفور
يغني ويكمل في النور
………………….

اقرأ باقي العدد ( ٢٧ )