اه يا عرب…. عامية بقلم عبد السلام عبد النبي
اه يا عرب…. عامية بقلم عبد السلام عبد النبي
يسدل سواد الليل ستايره
ع البلاد
والليل بيستر
المصور لسه قاعد منتظر
لأجل ما يلقط يسجل احلي منظر
صوره الليل والسكون
والسما منظر بيسحر
ونجوم بتملا السما
جايه بالنور من بعيد
الصوره تبهر
فرح المصور للجمال
فتح الكوادر
لأجل ما يلقط
بعين الحب منظر
ويدق جرس الخوف
وتهب ريح شايله خراب
الكل يسأل ايه جري
الصوره يخنقها التراب
المصور لسه قاعد منتظر
لأجل ما يلقط بكاميرا
صوره اكبر
اصل ساعتها الغروب
كان لسه بيحاول
يغطي بحمرته بحر المقدر
الام شايله ولدها واقفه
ضحكه صافيه وسن.سكر
اصل الوليد
ده حبها ده عمرها
والعمر يطول
ويدق جرس الخوف
وتهب ريح شايله خراب
الكل يسأل ايه جري
الصوره يخنقها التراب
وفجأه تلقي وحش كاسر
بس لابس زي جندي
يقتحم عش الاميره خدرها
أسوأ تحدي
تحاول الام الدفاع
ويكون ولدها ياناس رهينه
وايه يكون تمن الرهان
تدفن كمان روحها الحزينه
وتسلم الام الوليد ويقتلوه
وتضيع معاه الأمنيات
الاه حزينه
اصل دم الحزن نازف
ع الرمال
الرمال راح تبقي نار
علي اي حال
وقطره الدم اللي راحت
يا وطن
ح تبقي نار ضد العدا
طول الزمن
راح تبقي شجره غل سوده والتمن
حزن واسي وجراح دفينه الوهن
الله اكبر لمااقولها للولد
الله اكبر عزم قوه صمود جلد
الله اكبر دم عربي للابد
