الليل …شعر عامى بقلم حسن أبوعرب محمد

الليل …شعر عامى بقلم حسن أبوعرب محمد

حُط النُّقَط فوق الحروف
وابعِد عن اللى يقُول ياخوف
وارفع جبينَك فى السما لا تنحِنِي
خليك قوى
وانصُب ميزان العدل دايما واشتِرِى
اِكسَر لشُوكة المُفتَرِي
مرسوم على الليل السِكُون
والشَّدَه لَام اياك تخُون
وان غاب عن الدنيا القَانُون
الفَاتحَه للقلب الحَنُون
ولشَمس رافضه للكسوف
بالضَي حِلفِت ميت يمين
وبعزم موصول لايلين
لَتدَفِّي قلب الشَقيانِين
وتحرر الأقصى الحزين
ارفع رايات الانتصار
دى الفَرحَه ساكنَه فى الديار
شايفِينهَا فى عيُون الصغار
صَبِيَّه فى اديها الچيتار
بتغنى اناشيد النهار
والشُّهَدا واقفين بالصفُوف
دُقواالدفوف
…….

اقرأ باقي العدد (٢١ )