كلام و حديت …. عامية بقلم عبد السلام عبد النبي
كلام و حديت …. عامية بقلم عبد السلام عبد النبي
بتقولي كلام
وتعيدلي حديت
بتحكي تقول
أجمل حواديت
بتقولي باحبك
مش ممكن
ده كلام اوهام
وترسم بسمه
اه منك
رسام احلام
مش ممكن يبقي
الحب كلام اوحتي حديت
الحب سكون وهيام وغرام
مش بالحواديت
ماتقولي يارميو العصر
ايه فايده كل كلامك
هيمان وكلامك سحر
وخصامك قبل سلامك
بتبيع حواديت
ما خلاص
زمن الحواديت اهو راح
وكلام فتافيت
ياسي اه
انا قلبي هدي وارتاح
بتقولي كلام
