التأييف والتزيف … عامية بقلم زينب سليم
التأييف والتزيف … عامية بقلم زينب سليم
ياللي بتسرق … من اشعارنا
فكرك ان الطيبة ….. شعارنا
وف بستانا ……. تعمل نحلة
وبتمتص …… رحيق ازهارنا
ياللي بتسرق … افكار غيرك
وبتدعي انها ……… تفكيرك
واحنا نهلل …….. كتر خيرك
علشان تعبك ف التأليف …!!
مش عارفين انها مسروقة .!
دواوينك كلها ……. مسلوقة
والأفكار …… عندك محروقة
وانك استاذ …… ف التأييف
واد دبور ……. والبت فراشة
قالوا الشعر صوان وفِراشة
والغشاش …… ويا الغشاشة
عملوا تاريخهم ،،،، م التزيف
خدوا أشعارنا ….. بكل هدوء
نسوا اننا ،،،،،، لنا فيها حقوق
وبعجرفة …….. وبقلة ذوق
يقولك دا كلامي ياخفيف .!!
مين قال ان الشعر كلام ..؟؟
دا عصارة …….. فكر وإلهام
أوم … يجي واحد ابن حرام
يسرق ويخش التصنيف ..!!!
