البرد جوه الروح … عامية بقلم جيهان النجار

البرد جوه الروح والرعشة ع الشفايف
وعرق الكفوف شتا
والكل ليه خايف
في حلقة ذكر زور
لأمام ماهوش شايف
ولاعمره كان له نظر
ولاندر ولاقيمة
دي رواية متفبركة وشغل م السيما
أراجوز وشده حبل من راسه وودانه حفظ الحكاية كدب بأمر سجانه والمستمع مجنون والرقاصين عيرة موزعين الوجع
ع العمر والقورة
وإللي يسقفله يكون بطل صورة
فزورة محظورة اوعى تفكر يوم وتفك أسرارها جوه الحصار
مخنوق وخلف أسوارها…. بدل صباح الخير دمع ف أخبارها
أخبار بلون الدم ملعونة منظرها
غابة كلاب مرعبة عايشة على عيالها
والصمت…. فاعلها.

اقرأ باقي العدد ١٣