أنا المصري … شعر عامية بقلم شاعر المحروسة / أشرف البنا
أنا المصري … شعر عامية بقلم شاعر المحروسة / أشرف البنا
سيادتك مين ؟
أنا المصري .. فريد عصري
أنا الانسان
سيادتك مين ؟
أنا أول بنا معروف
وبص وشوف
ثلاث هرمات ولسة بخير
بين الحضارات تكيد الغير
من السنوات بسبعة ألوف
ومصر زمان وحتي الآن
ماليها الزاد ولو نزداد
ده حتى ف يوم من الأيام
كان خيرها يفيض بيها
ويكفي بلاد كتير غيرها ويغنيها
بطول النيل كانت جنة
خضار وعمار
وفيها آلاف من الأشجار
فواكه طارحة بالقنطار
وسجادة من الخضرة
ده غير المية والنضرة
ف وشوش الناس
دفا واحساس
ولو سافر هنا انسان
من المالح قصد أسوان
مايحتاجشي لمية وزاد
ويمشي ف ضل أشجارها
وياكل طرح أثمارها
بأوان وميعاد
شتاء موز علي يوسفي
وصيفا تمرها والتين
أنا المصري
سيادتك مـــــــــين ؟
