ضحكة أمي …نص عامي بقلم فتحى نجم
ضحكة أمي …نص عامي بقلم فتحى نجم
………………..
أمي دي اللي شالتني ياما
وصفـي ليها مـش كـلام
فارشـه عِشي بالسـلامـه
ماليـــــه روحــي بالهيام
أمـي دعـوه مستــــجابه
لوكل مافي الناس خطـايا
دعـوتك ف الغيب مهابـه
انتـي وشــي ف المــرايا
مهما السكك تضحك عليا
نـورك بيهــديـلي خُطـايا
انتي دعـــــوة ربــي ليا
انتـي جــنـــه انتـي آيـه
ســاكنــه فيَّـا ضحكتـك
ياضحكه ف وشوش الصبايا
أمي دي اللي شالتني ياما
وصفـي ليها مـش كـلام
فارشـه عِشي بالسـلامـه
ماليـــه روحـــي بالهـيام
وجناحاتي بضحكة أمـي
دايـره بترفــــرف ليلاتي
لاجـل أنسـىٰ ياعمي همي
لما تمــلانـــــي آهـــــاتي
ريحة هدومها ف الدولاب
عايشـه بتحـــوش حيـاه
يافرحتي لو طيفها جـاب
من إيـديها العطــر جـاه
دافسالي ف العِب ابتسامه
شايله من روحي الملامه
ليها ف الأشـــــواق علامه
تهـــدي قلبـي إن مــره تاه
أمي دي اللي شالتني ياما
وصفـي ليها مـش كـلام
فارشـه عِشي بالسـلامـه
ماليـــه روحـــي بالهيـام
